ເອາະຫຼາມນົກຂໍ່

ເຄື່ອງປະສົມ:

  • ນົກຂໍ່ຢ້າງຊໍາ 1 ໂຕ ຈີກເປັນຕ່ອນຕາມສ່ວນອົ້ງ ແລະ ຂາ ລ້າງນ້ຳໃຫ້ສະອາດໃສ່ຈານໄວ້
  • ໝາກເຂືອຫວານທີ່ອອ່ນ 7 ໜ່ວຍ
  • ໝາກເຜັດດິບ 5 ໜ່ວຍ, ສີໃຄ 1 ຫົວ, ຜັກບົ່ວລາຍເລິງ 3 ຕົ້ນ, ທັງໝົດຕັດຂວັ້ນລ້າງນ້ຳໃຫ້ສະອາດ
  • ສະຂ່ານ ເຊາະກາບແຂງອອກ ຕັດຍາວ 5 ຊັງຕີ ແລ້ວ ຜ່າເປັນກີບໜາ 1 ຊັງຕີ ລ້າງນ້ຳປະມານ  10 ຕ່ອນ
  • ຍອດຫວາຍ 3 ຍອດ ເຜາໄຟໃຫ້ສຸກ ແລ້ວປອກເອົາແຕ່ອັນອ່ອນ ຕັດຍາວ 2 ຊັງຕີ ລ້າງນ້ຳ
  • ຜັກຕໍານິງ ເດັດເອົາແຕ່ໃບ ແລະ ຍອດ 1 ກໍາມື ລ້າງນ້ຳ, ຜັກຊີລ້າງນ້ຳ ແລ້ວ ຕັດເປັນຕ່ອນ ຍາວ 2 ຊັງຕີ, ໃບຜັກບົ່ວຕັດຍາວ 2 ຊັງຕີ ລ້າງນ້ຳ, ຜັກອີ່ຕູ່ ເດັດເອົາແຕ່ໃບພໍຄວນລ້າງນ້ຳ.
  • ຂຽບໝູສອນ 1 ຕ່ອນ ຕັດເປັນຕ່ອນນ້ອຍ 1 ຊັງຕີ ໃສ່ຖ້ວຍໄວ້
  • ໝາກຖົ່ວຕີເສືອ 6 ຝັກ ຕັດຍາວ 2 ຊັງຕີ ລ້າງນໍ້າ
  • ປາແດກ ເກືອ

ວິທີຄົວ:

ເອົານ້ຳໃສ່ໝໍ້ເອາະ 2 ໂຈກ ຍົກຂືນຄ້າງໄຟ ແລ້ວເອົານົກຂໍ່ ໝາກເຂືອ ໝາກເຜັດ ຜັກບົ່ວລາຍເລິງ ສີໃຄ ສະຂ່ານ ເກືອ 7 ຢ່າງນີ້ ອັດຝາຕົ້ມໄປ ຝົດແລ້ວໃຫ້ເອົາປາແດກຕອງໃສ່ພໍຄວນ. ຖ້າໝາກເຜັດໝາກເຂືອເປື່ອຍແລ້ວ ຕັກອອກມາຕໍາໃຫ້ແຫຼັກ ແລ້ວຕັກໃສ່ໝໍ້ຄືນ ເອາະໄປພໍຟົດ ໃຫ້ເອົາຜັກຕໍານິງ ໝາກຖົ່ວເສືອໃສ່ ພໍເຫັນວ່າຜັກສຸກ ຈຶ່ງເອົາຂຽບໝູ ຜັກຊີ ອີ່ຕູ່ໃສ່ ຊີມເບິ່ງເຄັມຈາງຕາມຊອບ ແລ້ວຕັກໃສ່ຖ້ວຍ ຜັກບົ່ວໂຮຍໜ້າ ເພື່ອຕັ້ງໃຫ້ຮັບປະທານ ກັບໝາກແຕງອ່ອນ ແລະ ໝາກເຂືອແກ່ຜັກຕ່າງໆ.

ໝາຍເຫດ: ເອາະຫຼາມນີ້ ຈະເອົາກະດູກໝູຊໍາລາຕົ້ມໃສ່ນຳກໍ່ໄດ້ ຖ້າຢ້ານບໍ່ນົວ ຕະຫລອດທັງເຄື່ອງຜັກຕ່າງໆກໍຄືກັນ ຈະຕື່ມໃສ່ກໍ່ໄດ້ ແຕ່ຄວນລະວັງຢ່າໃຫ້ເກີນຄວນ ເພາະກິ່ນຫອມຂອງເອາະນົກຂໍ່ ຈະກາຍເປັນເອາະໝູ ຫຼື ເອາະຜັກໄປ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / ປ່ຽນ )

Twitter picture

You are commenting using your Twitter account. Log Out / ປ່ຽນ )

Facebook photo

You are commenting using your Facebook account. Log Out / ປ່ຽນ )

Google+ photo

You are commenting using your Google+ account. Log Out / ປ່ຽນ )

Connecting to %s